Radioja Kombëtare Bullgare © 2020 Të gjitha të drejtat janë të rezervuara

“Gërshetë folklorike” mbledh krijues nga i gjithë vendi

“Po na presin mbrëmje të shkëlqyera verore të përmbushura me këngë, vallëzime dhe fllade deti”- thotë këngëtarja e këngëve popullore nga krahina e Stranxhës Zllatka Stavreva, drejtoresh artistike e Festivalit Muzikor dhe të Vallëzimit “Gërshetë folklorike”. Në të do të marrin pjesë ansamble, grupe këngëtarësh, grupe të vallëzimit dhe klube , si dhe interpretues individual nga i gjithë vendi. Pjesa më e madhe prej tyre nuk janë profesionist dhe prezantojnë folklorin burimor nga krahina e vet e lindjes, që premton një festë të vërtetë për vlerësuesit e krijimtarisë autentike popullore.

Kjo shfaqje do të zhvillohet mes gjelbërimit të njërit prej parqeve në qytetin Kiten. Ajo nuk është me një karakter konkursi dhe nuk ka taksë për të marrë pjesë. Hollësi për programin prezanton Zllatka Stavreva:

“Këtu në krahinën e Stranxhës, buzë Detit të Zi, nga data 8 deri më 12 korrik do të zhvillohet edicioni i parë i “Gërshetës folklorike”. Ideja për këtë festival muzikor dhe të vallëzimit lindi tek unë gjatë periudhës së karantinës, kur u bë e qartë se bien disa nga ngjarjet e planifikuara ndërkombëtare. Në “Gërshetën folklorike” do të marrin pjesë Formacioni Folklorik “Magda Pushkarova” dhe Kori Popullor i Grave “Trakia” pranë Shoqatës së Trakisë “Petko Vojvoda”- nga qyteti Varna, me drejtues Kalina dhe Gjeorgji Germanovi. Nga Divdjanovo /një lagje të qytetit Shumen/ do të vijnë madje disa grupe. Mes pjesëmarrësve është dhe një grup shumë interesant i meshkujve “Këngë Rodopëse” nga fshati i qytetit Razgrad Sejdoll /në Bullgarinë Verilindore/. Mbërrin dhe grupi  folklorik i grave si dhe dy motrat Vasfie dhe Inka Bakallovi, të cilat këndojnë shkëlqyeshëm. Shumë interesant  është dhe repertori i grupit për folklor autentik nga fshati Bellovec, bashkia e qytetit Kubrat, në Bullgarinë Verilindore, me drejtuese Milena Pençeva, si dhe grupi i djemve këngëtarë “Krenaria e Sredishtes” nga rrethi i qytetit Silistra, Shkolla e Vallëzimit “Veleka” nga qyteti Burgas. Ka dhe akoma shumë grupe të tjera-nga qytetet Pavlikeni, Sliven, Gëllëbovo, Çirpan, nga fshatrat në Bullgarinë Veriore. Do të marrin pjesë dhe interpretues individual, nxënës të docentes Binka Dobreva nga qyteti Sofja. Ne në rrethin e Stranxhës kemi një folklor unikal, por me një padurim presim të takohemi me bukurinë e artit popullor nga krahinat e tjera të Bullgarisë. Krijimtaria është mënyra më e mirë për komunikim të plotë vlefshëm dhe prandaj shpresoj se që të gjithë pjesëmarrësit të ndihen të lumtur nga ky takim!”

Përgatiti në shqip: Nataniela Vasileva

Foto: “Gërshetë folklorike”

Më shumë nga rubrika

Magda Pushkarova - magjistarja e malit Stranxha

“Kur je më e brengosur dhe e mërzitur, kujtohu ndonjë këngë”- kjo porosi e nënës ndikon mbi fatin e këngëtares sonë të njohur Magda Pushkarova. Ajo ka lindur përpara 100 vjetëve, gjatë muajit prill të vitit 1920 në qytetin Mallko Tërnovo. Fëmijëria..

botuar më 20-08-06 12.22.MD

Një kujtim për këngëtaren e madhe popullore Komnia Stoianova

"Tingull i natyrshëm, ornamentikë e vështirë dhe e përsosur, stil i jashtëzakonshëm. Ajo na prezantonte në mënyrën më të mirë stilin e të kënduarit të Stranxhës” – kështu folkloristja Maria Kuteva shpreh admirimin e vet nga Komnia Stoianova, me të cilën..

botuar më 20-07-19 5.05.PD

Nderim për këngëtaren popullore Kiçka Savova në fshatin e saj të lindjes

Kiçka Savova është një nga këngëtaret tona më të rëndësishme popullore, e cila ka lënë një gjurmë të qartë me repertorin e saj të pasur dhe devotshmërinë e saj të pakushtëzuar lidhur me traditën folklorike trakase (nga krahina e Trakisë, Bullgari Jugore)..

botuar më 20-07-04 7.00.PD