Radioja Kombëtare Bullgare © 2020 Të gjitha të drejtat janë të rezervuara

Folklori ugrofin е takon atë bullgar në albumin e parë të Emmi Kujanpää

Foto: Venla Helenius

Në se në të vërtetë “të gjithët vijmë nga fëmijëria jonë”, atëherë Emmi Kujanpää me siguri mbart një pjesë prej kulturës muzikore të Republikës së Karelisë – trashëgimia e saj nga prindërit e nënës. Sa i përket interesit të finlandezes së re për folklorin bullgar – të fshehta dhe të çuditshme janë rrugët e njeriut. Incizimet e para bullgare ajo i ka dëgjuar fare rastësisht. Dy kulturat e vjetra janë pjesë e jetës së saj profesionale muzikore tashmë më shumë se 10 vjet. Ato janë dhe në bazë të albumit të saj të parë “Nani”, premiera e të cilit në Finlandë ishte para disa ditësh. Për Radion Bullgarinë Emmi prezantoi veten e saj dhe CD-në e re kështu:

Unë jam këngëtare dhe kompozitore. Studiova folklorin bullgar gjatë vitit 2009 në Akademinë Muzikore në Plovdiv. Kam mbaruar dhe studimin tim në “Sibelius Academy” në Universitetin e Arteve në Helsinki. Tani jam mësuese në këndim popullor dhe në kantele (vegël muzikor finlandeze, një lloj qesteje) në të njëjtën akademi dhe nëKäpylä Music(shkollën muzikore për muzikëpopullore finlandeze dhe për world music). Këngët nga projekti im i ri janë krijuar në bazë të dy traditave muzikore – ajo bullgare dhe ajo kareliane. Janë incizuar në televizionin Kombëtar Bullgar dhe nëMusic Centre në Helsinki.“

Foto: Ambasada e Finlandës në Bullgari

Në album merr pjesë “Misteri i Zërave Bullgare – Akademia Vokale” (Le Mystere des Voix Bulgares Vocal Academy). Dirigjentja është profesoresha Dora Hristova, e cila është ish profesoreshë në Akademinë muzikore në Plovdiv. Ndër studentët e saj ka qenë vetë Emmi Kujanpää.

Isha befasuar aq mirë me përparimin e e saj të shpejtë – i kujtohet profesoresha Hristova.  – Ajo përvetësoi teknikën e këndimit folklorik, mësoi shumë këngë bullgare. Incizoi dhe një CD me pjesëmarrjen e dy kuarteteve – një bullgar dhe një finlandez. Ishte shumë interesante sepse repertori ishte prej këngëve bullgare dhe finlandeze. Albumi, të cilin po e prezantojmë, është vetëm prej kompozimeve autorja e të cilave është vetë Emmi. Vajzat nga kori e pëlqejnë shumë muzikën e saj dhe e ekzekutojnë me kënaqësi të madhe. Kurse “Nani” është produkti i parë i Akademisë sonë Muzikore”.

Albumi ishte prezantuar në koncerte në Bullgari, kurse më 13 mars muzika e tij tingëlloi dhe në Helsinki përpara vetëm ca personash në sallë.

“Ky realitet i ri i koronavirusit është pak i trishtueshëm, por s’ka se çfarë të bëjmë, duhet të përshtatemi me situatën” – tha  Emmi Kujanpää dhe sqaroi se koncerti është transmetuar në internet dhe mund të dëgjohet.

Këngën e parë e shkrova para pak kohe – tha ajo. Kemi një organo të vogël në shtëpi dhe vajza ime i binte asaj. Duke e dëgjuar atëmë erdhi ideja për “Ndriçoi dielli – Vuota Vuota”. Melodia e saj është në stilin e këngëve popullore të malit të rodopeve (Buëllgari jugore), kurse refreni është në gjuhën kareliane. Kënga “Nani” i është kushtuar Perëndisë së Tokës. Kënga Celestia (Perëndia e Qiellit) lindi me idenë e profesoreshës Hristova, e cila më tha se do të ishte interesante, po të shkruaja një këngë për kor dhe kantele.Pikërisht atëherë udhëtova nga Bullgaria për në Helsinki me avion, me një fluturim nate. Kjo ishte koha e një rriti finlandez në fillim të verës dhe në rajonin e Helsinkit ishin ndezur shumë zjarre. Muzika pasqyron pikërisht këtë bukuri që e pash nga avioni”.

Përgatiti në shqip: Jordanka Ivanova


Më shumë nga rubrika

Elena Koleva dhe Pllamen Karadonev - pedagogë në Berklee College of Music

Elena Koleva dhe Pllamen Karadonev janë bullgarët e parë - pedagogë në fakultetet e pianos dhe të kënduarit në Berklee College of Music. Ata largohen nga Bullgaria përpara 19 vjetëve që të mësojnë xhaz në Shtetet e Bashkuara. Ëndrra e tyre është që..

botuar më 20-05-31 7.25.PD

“Orenda” – një kor i vogël bullgar në Paris

I krijuar në Paris, grupi interpreton këngë popullore bullgare me orkestrim të kompozitorëve tanë të njohur, si dhe këngë ortodokse. Drejtuese është Stefka Miteva – këngëtare, autore e këngëve dhe e aranzhimeve, mësuese në lëndën e muzikës dhe të teorisë..

rinovuar më 20-05-25 8.17.PD

Këngë për alfabetin bullgar

Në vigjilje të festës më të ndritshme bullgare – 24 maj, Dita e Alfabetit Sllav dhe Kulturës Bullgare, ju propozojmë të dëgjoni një këngë të bukur kushtuar alfabetit bullgar – “Këngë e vogël për alfabetin”. Ajo është pjesë e projektit për mësimin e..

botuar më 20-05-23 7.05.PD