Radioja Kombëtare Bullgare © 2020 Të gjitha të drejtat janë të rezervuara

“Aqua Calide” – një atraksion modern i mbështetur te trashëgimia historike afër Burgasit

Një kënd i posaçëm për fëmijët, si “një LEGO gjigante”, ku vogëlushit do të mund të ndërtojnë kështjella të ndryshme romake, do të mund të vishen me rroba nga kohëra të kaluara, të qëllojnë me hark dhe shigjeta, të njihen me teknikat e vjetra të thurjes, gatimit dhe bërjes së produkteve prej lëkure.E gjithë kjo do të jetë e mundur së shpejti në kompleksin turistik “Aqua Calide”, bëri të ditur Radioja Kombëtare Bullgare.

Objekti është unikal dhe atraktiv për vizituesit dhe gëzon një popullaritet gjithnjë e më të madh. Vendi afër Burgasit është shumë i bukur, sepse atje është përqendruar një histori shumëvjeçare. Ndër vlerat arkeologjike të gjetura në “Aqua Calide” janë muret e kështjellave në qytetin e lashtë Termopolis, banjat romake nga shekulli I pas Krishtit me pishina dhe dhoma të ndryshme. Ato mund të vizitohen nga turistët nëpërmjet pajisjeve moderne.

Tashmë ka një prokurim publik për ndërtimin e qendrës së re, e cila do të zhvillojë edhe më shumë vendin si një destinacion interesant turistik, thotë Radosveta Stjuart, udhëheqëse e drejtorisë “Turizëm” në Bashkinë e Burgasit.


Qëllimi është që objekti arkeologjik të popullarizohet dhe të tregojë në një mënyrë kureshtare për të kaluarën e “Aqua Calide”. Ky projekt krijon mundësinë të përfshijmë si arkeologji, ashtu dhe diçka tjetër të re dhe të ndryshme, që mungon si në bashki, ashtu dhe në tërë bregdetin pranë Detit të Zi. “Aqua Calide” do të jetë një vend unikal dhe kjo që shumë prej qytetarëve të Burgasit i uruan vetes – përsëri të mund të përfitojnë nga vetitë mjekësore të ujit mineral, do të jetë fakt” – thotë Radosveta Stjuart.

Projekti për qendrën ekspozuese dhe demonstruese “Ujërat minerale të “Aqua Calide” është me vlerë 3 mln leva dhe duhet të zbatohet në kuadrin e 14 muajve. Ai është pjesë e projektit më të madh “Fuqia e ujit”, i cili realizohet në kuadrin e programit operativ “Regjione në rritje” 2014-2020. Në kuadrin e projektit Bashkia e Burgasit parashikon krijimin e një itinerari të ri turistik, i cili do ta prezantojë Burgasin si një destinacion i ri turistik. Përveç “Aqua Calide” janë përfshirë akoma tri objekte të lidhura me ujin. Në Çengene Skele së shpejti do të krijohet një kompleks etnografik, në ishullin “Shën Anastasija” do të zgjerohet moli dhe do të rimëkëmbet fasada e tempullit të Burgasit “Shën Kiril dhe Metodi”.

Përpiloi: Gergana Mançeva

Përgatiti në shqip: Vesella Mançeva

Foto: burgas.bg dhe aquae-calidae.com

Më shumë nga rubrika

Çfarë duhet të dinë turistët për ndihmën shëndetësore në bregdet

Qendrat shëndetësore në bregdet janë gati të pranojnë pacient me Covid-19. Hotelet janë të detyruar t’u sigurojnë informacion turistëve për qendrat më të afërta shëndetësore dhe për shërbimet e ofruara prej tyre. Turistët nga BE-ja me Kartelë..

botuar më 20-06-04 3.04.MD
Fotografitë u siguruan nga Ekaterina Terzieva

Bullgaria – destinacion atraktiv për Slow turizmin

Turizmi alternativ përbën një tërësi të praktikave të qëndrueshme të orientuara si te kënaqja e interesave dhe e nevojave individuale të turistëve, ashtu edhe te ruajtja e natyrës dhe kulturës vendore. Theksi vihet mbi kontaktin me mjedisin e..

botuar më 20-06-03 1.37.MD

I tërheqim turistët me çadra dhe shezlongje falas

Në 23 plazhe në bregdetin bullgar pajisjet e plazhit do të jenë falas, bëri të ditur në Sllënçev Brjag Ministrja e Turizmit Nikolina Angellkova. Në det ajo zhvilloi një sërë takimesh me përfaqësues të degës turistike para fillimit të stinës verore, e..

botuar më 20-05-26 2.27.MD