Radioja Kombëtare Bullgare © 2020 Të gjitha të drejtat janë të rezervuara

Ballkani Perëndimor përsëri në rendin evropian të ditës me konferencë në Sofje

БНР Новини
Foto: BTA

"Tani është në duart e elitës politike në Shkup për të përfunduar marrëveshjen e Prespës” – këtë e deklaroi Ekaterina Zaharieva Zv. Kryeministrja dhe Ministrja e punëve të jashtme e Bullgarisë gjatë hapjes së konferencës “Transformimi i rajonit të Ballkanit Perëndimor – perspektiva parlamentare për rolin dhe të ardhmen e procesit të aderimit në BE”, e cila u zhvillua në kryeqytetin bullgar. Ajo shprehu shpresë se problem i dhimbshëm i regjionit tone për emrin e Maqedonisë do të gjejë zgjidhjen e vet pas referendumit, i cili ishte vlerësuar nga disa si sukses i madh, kurse nga të tjerët si dështim i plotë.

Në konferencë morën pjesë përfaqësues të parlamenteve kombëtare dhe të sektorit joqeveritar të 6 shteteve të Ballkanit Perëndimor, deputetë nga shtetet-anëtare të BE-së, eurodeputetë. Forumi është vazhdimësi e prioritetit të Presidencës bullgare të Këshillit të BE-së për perspektivën evropiane të Ballkanit Perëndimor. Pjesëmarrësit nënvizuan rolin kyç të Bullgarisë për përshpejtimin e ngjarjeve të lidhura me integrimin e Ballkanit Perëndimor, të cilat çuan deri në pranimin e dokumenteve të rëndësishme të KE-së – Strategjinë për Ballkanin Perëndimor nga shkurti i këtij viti dhe Paktin e zgjerimit (prill 2018). Vazhdimësinë e kësaj politike e pohuan Andreas Schieder dhe Cristian-Sorin Dumitresku – përfaqësuesit e parlamenteve të Austrisë dhe Rumanisë, të cilat kryesojnë Presidencën e Këshillit të BE-së gjatë muajve të ardhshme.

Sot jemi dëshmitarë të një atmosfere krejtësisht të re të bashkëpunimit në Ballkan, në bazë të mirëbesimit, dialogut aktiv dhe konstruktiv dhe punës së këmbëngulur për të ardhmen e përbashkët evropiane” – tha deputetja e Kuvendit bullgar popullor Xhema Grozdanova gjatë konferencës. Pikërisht në një atmosferë të tillë kaluan bisedimet. Përfaqësuesit e parlamenteve kombëtare të shteteve të Ballkanit Perëndimor deklaruan angazhim për zhvillimin e reformave të domosdoshme dhe për përparim në lidhje me temat kyçe: parimet e sundimit të ligjit, siguria dhe migracioni, zhvillimi social dhe ekonomik, konektiviteti në fushën e transportit, programi digjital, pajtimi dhe marrëdhëniet e fqinjësisë së mirë.

Ishin dhënë mendime dhe sugjerime interesante, si ai i eurodeputetit Georgi Pirinski, sipas të cilit proceset e integrimit në Ballkanin Perëndimor do të përshpejtohen, në se Komisioni Evropian u vendos afate të njëjta për plotësimin e kritereve për anëtarësi të gjitha 6 shteteve. Kjo do të inkurajojë motivacionin dhe angazhimin e shteteve për kërkim të përbashkët të zgjidhjeve për problemet rajonale. Shumë mbresëlënës ishte fjalimi i nënkryetares së Parlamentit Evropian Lívia Járóka, e cila u bëri thirrje 6 shteteve që të përfitohen sa më shumë nga mundësitë e cilat i ofrojnë programet e para-aderimit – siç nga subvencionet e parashikuara, kështu edhe nga mbështetja e ekspertëve në sektorët kryesorë më problematik. Nuk ishin kursyer kritikat ndaj Komisionit Evropian për shkak të standardeve të dyfishta dhe mungesës së transparencës në marrjen e vendimeve. Ky mendim ishte sjhprehur nga Momçilo Raduloviç (Momčilo Radulović) – përfaqësues i sektorit joqeveritar nga Podgorica e Malit të Zi.

Një pohim i mirë për rëndësinë e temës së diskutuar në Sofje ishin fjalët e Kryetarit të KE-së Jean-Claude Juncker në Bruksel. "Nëse Ballkanit Perëndimor ia marrim perspektivën për anëtarësim, në atë rajon përsëri do ta shohim atë që e shihnim në vitet e 90-ta të shekullit të kaluar" – paralajmëroi Juncker, por përsëri nënvizoi se më parë shtetet duhet t’i zgjidhin konfliktet kufitare me qëllim që në Bashkimin Evropian të "mos e sjellin paqëndrueshmërinë që vjen nga Ballkani Perëndimor”.

Më shumë nga rubrika

Ngjarjet me adresë ballkanike

Greqia do të pakësojë tatimet për daljen më të shpejtë nga kriza Kryeministri grek Kiriakos Mitsotakis shpalli një plan për ristartimin e ekonomisë. Masat prej 17 mlrd eurosh janë në përkrahje të shëndetësisë, të vendeve të punës dhe turizmit. Ulen..

botuar më 20-05-21 2.20.MD

Bashkimi Evropian tregon rëndësinë e fjalëve solidaritet dhe unitet

Bashkimi Evropian  e pret festën e vet në kushtet e krizës së paparë shëndetësore dhe ekonomike, të shkaktuar nga pandemia me Covid-19. Sivjet Dita e Evropës është shumë më e veçantë dhe për shkak të dy përvjetorëve të ngjarjeve të rëndësishme për..

botuar më 20-05-09 7.00.PD

Buxheti shtetëror është aktualizuar, është ndryshuar Ligji për gjendjen e jashtëzakonshme

Kuvendi Popullor miratoi ndryshimet në ligjin për buxhetin shtetëror dhe për gjendjen e jashtëzakonshme. Janë siguruar mjete për luftën kundër COVID-19, janë korrigjuar dhe masat e pushtetit ekzekutiv në kushtet e krizës. Aktualizimi i..

botuar më 20-04-07 12.57.MD