Park ekologjik me kafshë të egra pret miq në Dobruxha

Autor:

Sorkadhe, kaproj, dhi nga Kameruni, derra të egër dhe palloj shijojnë një jetë të lirë  në parkun e sapo hapur ekologjik “Geranea”. Kompleksi me kodra jeshile dhe një panoramë nga Deti i Zi pranon vizitorë, të cilët e pëlqejnë natyrën e bukur dhe kanë dëshirë të komunikojnë me kafshët në mjedisin e tyre natyror.

Fjala latine për bimën barbarozë “geranium” ka dhënë frymëzim për emrin e parkut ekologjik, “Geranea”, i cili ndodhet mbi 7 mijë dynymë sipërfaqe pyjore midis fshatrave të krahinës Dobruxha (Bullgari Verolindore) - Ljahovo, Obroçishte dhe Cërkva, në 5 kilometra nga vendpushimi Allbena.

Përpara 2 vjetëve Rexhan Nizam merr në koncesion ish ekonominë e gjuetisë, me idenë ta kthejë në një shtëpi të kafshëve të egra në ngjashmëri të rezervateve kombëtare si “Serengeti” në Tanzani. Hapat e parë të qiramarrësit është të ndalojë gjahun, të seleksionojë kafshët nga ekonomitë e tjera dhe t’i ndajë derrat e egër, që të mos i ngacmojnë banuesit e tjerë të parkut ekologjik. Si rezultat i këtyre kujdeseve sot në “Geranea” jetojnë 170 kaproj, 250 muflonë , 50 sorkadhe, 50 dhi nga Kameruni, 300 derra të egra dhe shumë përfaqësues të tjerë të botës së kafshëve.

Natyra e virgjër ofron një përjetim të paharrueshëm për miqtë – premtojnë nga parku ekologjik. Përveç përmes shëtitjeve të lira, turistët kanë mundësi të ndjekin kafshët dhe nga 7 kulla për vërejtje.

"Njerëzit lëvizin brenda pyllit plot me kafshë të egra, të cilat mund t'i vërejnë gjatë gjithë kohës – tregon Rexhan Nizam. Një pjesë nga kafshët tanimë janë mësuar me njerëzit dhe zhurma nuk i pengon kaq, kurse të tjerat kanë më shumë frikë, më në veçanti nënat me të vegjlit e tyre, por ato shikohen dhe më vështirë. Por, kur mundim t'i shpiem vizitorët maksimalisht afër deri tek ndonjë kafshë dhe ndiejmë adrenalinën e tyre, kjo ndjenjë na pushton dhe na përfshin dhe ne."

Shëtitet zhvillohen me ndihmën e drejtuesve profesionalë, në këmbë dhe është pjesa më e vështirë, por më atraktive nga qëndrimi në parkun ekologjik.

"Kemi dhe kuaj për t’u hipur – shton koncesionari. Mendonim të përdornim dhe karroca të posaçme, me qenë se terreni nuk ishte i përshtatshëm për karroca, hoqëm dorë nga kjo ide dhe tani po bisedojmë me prodhuesit e automobilave elektrikë të tipit forestrada. Dhe me qenë se kemi kulla në të cilat tani po montojmë panele solare automobilat elektrikë do të mund të karrikohen prej tyre. Në të njëjtën mënyrë do t’i karrikojmë dhe kamerat, sepse qëllimi ynë është që në sajtin tonë kafshët të mund të shikohen në një kohë reale. Në përgjithësi mundohemi në mënyrë maksimale të mbyllim ciklin, që të mos të kemi nevojë nga faktorët e jashtëm – çdo gjë ta marrim nga vet ekonomia, të mos i shqetësojmë kafshët me zhurma të tepërta. Thjeshtë parku duhet të jetë në të vërtetë ekologjik."

Gjatë kohës së shëtitjeve miqtë e parkut mund të shijojnë panoramat natyrore, duke pushuar në vende të posaçme për pushim si dhe stola të vënë rreth e rrotull. Aty ata mund të ndiejnë po kështu aromat e bimëve të ndryshme, të dëgjojnë zhurmën e gjetheve të pemëve dhe të ndjekin me vështrim bishtat e larmishme të pallonjve.


"Deri në këtë moment nuk kemi njeri i cili të mos ketë thënë se nuk do të kthehet përsëri – është i kënaqur zoti Nizam. Sepse ne do të punojmë gjatë gjithë vitit, 24 orë çdo ditë, kurse kullat për vërejtje do të pajisen me kamera për vërejtje nate. Përveç se do të mund të shijojnë natyrën 24 orë, vizitorët do të mund të gëzohen dhe të ulen me një libër në dorë dhe do t’u gëzohen bibliotekave në të hapur. Njerëzit janë të kënaqur, sepse deri tani nuk kanë dëgjuar për një vend të tillë me kafshë të egra, në një mjedis të të tillë me rrugë të kalueshme si dhe rrugica më ekstreme në pyll. Tek ne ka për çdo një njeri ka diçka - në varësi nga fakti se çfarë përjetim do që të ndiejë. Ai mundet për shembull të bëjë fotografi në vendet të cilat i pëlqejnë, kurse po të dëshirojë ta shëtisë të gjithë parkun do të ketë nevojë për një ditë të vetme."

Përgatiti në shqip: Nataniela Vasileva

Foto: arkiv personal

Më shumë nga rubrika

Urdhëroni në një udhëtim nëpër “Rrugën e kohës”

Qendra e kryeqytetit bullgar fsheh godina të shumta si dhe rrugë, për historinë e të cilave ia vlen t'ju tregojmë. Një nga historitë interesante është kjo për rrugën më të shkurtër në Sofje – “Mallko Tërnovo”. Pavarësisht se është vetëm 60 metra,..

botuar më 19-10-20 10.15.PD

Një itinerar i ri çiklistik na takon me bukuritë e krahinës së qytetit Trën

“VeloErull” – kështu quhet itinerari i parë malor në bashkinë e qytetit Trën në Bullgarinë Perëndimore, i cili jep mundësi që të afrohemi deri tek magjia e njërit prej skajeve më të bukura të Bullgarisë. Inaugurimi zyrtar i trasesë me një gjatësi..

botuar më 19-10-19 9.25.PD

Bullgaria – një nga ndalesat për udhëtarët e rinj nga projekti “Road Trip”

Një nga dobitë më të dukshme nga anëtarësia e një shteti në Bashkimin Evropian, padyshim që është mundësia për udhëtim të lirë në kuadrin e bashkësisë. Gjithnjë e më të shpeshta janë si udhëtimet individuale, ashtu dhe udhëtimet e organizuara të..

botuar më 19-10-07 12.53.MD