Vetoja e presidentit mbi financimin e ri të partive përqendron orientimet vetëm mbi “pro” dhe “kundër”

Foto: arkiv

Vetoja e presidentit Rumen Radev mbi ndryshimet në modelin e financimit të partive, e vuri forcat parlamentare para provës të ripohojnë ose të mbrapsin nga pozitat e deritanishme mbi këtë çështje. Që para se të hyjë debati i vetos presidenciale në rendin e ditës së parlamentit është e qartë, se kësaj here nuk do të ketë të abstenuar.

Në motivet e vetos presidenti nuk diskuton uljen drastike të subvencionimit shtetëror për partitë nga 11 në 1 levë, por leja që persona juridikë dhe tregtar me vete të financojnë partitë. Sipas kreut të shtetit një financim i tillë i bënë formacionet politike të varura, krijon premisa për korrupsion dhe ndërron modelin kushtetues pa amendamente në vet Kushtetutë. Nga partia në pushtet GERB shpallën, se deputetët e saj do të votojnë kundër vetos. Lëvizja për të Drejta dhe Liri diskutoi arsyetimet e presidentit me argumentin, se modeli i ri për financim në fakt vepronte deri në vitin 2005 pa të ishte caktuar si antikushtetues. Nga Lëvizja shtuan, se kreu i shtetit e ka të drejtën të shprehë qëndrimin e vet mbi këtë çështje. Edhe lideri i Frontit Kombëtar për Shpëtimin e Bullgarisë Valeri Simeonov u shpreh se partia e tij është kundër vetos. Krahas kësaj ai nuk pranon thënien e presidentit, se financimi i partive nga persona juridikë do t’i bëj ato të varura.

Nga partia VMROshpallën, se do të përkrahin veton e presidentit, por shprehën keqardhje, se ai nuk diskutoi edhe uljen drastike të subvencionimeve shtetërore nga 11 në 1 levë për votë të fituar në zgjedhjet parlamentare. Sipas VMRO-së kjo vjen të tregojë një dëshirë që sistemi politik i vendit të bëhet të paparashikueshëm.

Partia Socialiste Bullgare do të përkrahë veton e presidentit. Deklaratat paraprake politike mbi temën vizatojnë një tablo e pazakonshme. Në fillim të korrikut për ndryshimet votuan vetëm deputetët e partive GERB, Lëvizjes për të Drejta dhe Liri, Ataka dhe Volja. Partia Socialiste Bullgare votoi kundër, Fronti Kombëtar për Shpëtimin e Bullgarisë dhe VMRO u abstenuan. Dy javë më vonë bëhet e qartë, se përsa i përket vetos presidenciale të abstenuar nuk do të ketë dhe Fronti Kombëtar për Shpëtimin e Bullgarisë do të votojë kundër vetos, ndërsa VMRO-ja – për veton. Në sfondin e mosmarrëveshjeve në Koalicionin e Patriotëve të Bashkuar, në të cilin ato dy forca janë partnere bashkë me Partinë Ataka, ky votim i kundërt është i pazakontë.

Në prag të pushimeve verore mosmarrëveshjet midis forcave politike mbi veton presidenciale mezi do të ngjallin tension. Mirëpo, gjysmën e dytë të shtatorit tendosja do të dalë në pah kur do të fillojë stina e re politike me fushatën për zgjedhjet për pushtet lokal.

Përgatiti në shqip: Svetllana Dimitrova

Më shumë nga rubrika

Tri dekada pas 10 nëntorit të vitit 1989

10 nëntori 1989 fillon si një ditë e zakonshme për shtetasit e Republikës Popullore të Bullgarisë, por ngjarjet që pësuan e kthyen në një datë me rëndësi historike e cila lidhet me fillimin e tranzicionit nga socializmi te demokracia...

botuar më 19-11-10 9.05.PD

Tablo shumëngjyrëshe në pushtetin vendor pas raundit të dytë të zgjedhjeve në Bullgari

Të dhënat zyrtare të shpallura nga Komisioni Qendror i Zgjedhjeve tregojnë se raundi i dytë i zgjedhjeve lokale nuk ka ndryshuar bilancin e forcave politike pas raundit të parë. Forca kryesore në pushtetin vendor vazhdon të jetë partia..

botuar më 19-11-04 4.53.MD

Athina e konsideron Sofjen si një partnere strategjike

Dimitrios Hronopulos është ambasadori i ri i Greqisë në Bullgari. Ai mbërriti para pak kohe në Sofje, por tashmë është ngjitur në malin Vitosha sepse bashkëshortja e tij pëlqen shumë që të ecë më këmbë dhe të zbulojnë kryeqytetin bullgar, duke shëtitur..

botuar më 19-10-28 4.40.MD